Կարեկից եմ ես այս կյանքին…

1506036_609207825800827_503248521_nԵս անցնում եմ ամեն օր փողոցներով, որտեղ մուրացկանները թափառող և անտուն կենդանիներից շատ են: Շատ են տեսակները նրանց, ձմռան ցրտին ՈՐԲԻ պես մերկաբաց, ոտաբոբիկ ու գրկաբաց ընդունում են ամեն անցնող, ծանոթ-անծանոթի ձեռքը: Կարևոր չէ, թե ինչքան կկամենաս, կարևորը` դատարկ ափը մեկնելով, ակնկալում է աչքերին շողշողացող փայլուն հերթական հաջողության գրոշը: Դեռ մի երկու օրը չբոլորած, մի դալանից մի կամար եմ անցնում, կրճատելով մարդկանց ամբոխն ու ճանապարհներին վաղուց կուտակված և միատոն կեղտոտ հավաքված ձյունը: Շտապում էի  ինչպես օրը, որ քեզանից ու քո քայլերից արագ թռցնում է վայրկյաններն անվերադարձ:
Ոլոր-մոլոր ճանապարհներով և հերթական կամարն անցնելով` դուրս եկա Աբովյան փողոց ու մինչև մյուս քայլս գցելը, նկատեցի, որ իր վայրը չդավաճանած ու մյուսների տարածքին աչք չգցած ողորմածը` լուռ էր: Անսովոր թվաց այդ լռությունը, հանգստությունը, որ իրեն շրջապատող շներն էլ էին զգացել:
Մոտեց,` բարևեցի, մի քանի տակ իրար վրա հագած, բայց միևնույն ժամանակ` պատռված շորերի արանքից երևում էր մարմինը, որ սառնությունից փոխել էր մաշկի գույնը: Մի պահ թվաց, որ չի շնչում, սակայն մի քանի վայրկյան կանգնելուց հետո, լսեցի խորը հոգոցը, որին հետևեց երկար օդի մեջ անհետացող գոլորշին:
-Ամեն ինչ կարգի՞ն է, — հիմար հարց տվեցի, ինչպե՞ս կարող է նման վիճակում ամեն բան լավ լինել, և մտքումս պատասխանեցի իմ հարցին:
Բարձրացնելով գլուխը` ձեռքը մեկնեց, բնազդաբար ձեռքս պայուսակս տարա, բայց հիշեցի որ երթուղայինի գումար հազիվ թե լինի: Անհարմար պահ էր, բայց հանկարծ ճռճռացող ձայնին, ինչպես փոքր մի երեխան կուրախանար, դեմքը ավելի լուսավորվեց, երբ ափի մեջ դրեցի կոպեկից ավելի շատ փայլ ունեցող, և մի պահ կյանքը քաղցր երևացող շոկոլադը:
-Անո՛ւշ լինի, — ասեցի և հեռացա: Սակայն ամբողջ ճանապարհին մտածում էի, ինչքան քիչ բան կարող է երջանիկ դարձնել մարդուն` գթասրտությո՞ւնը, թե՞ ուշադրությունը, թե՞ դրանք համատեղելի են այսօրվա մեր իրականությունում:
Փաստն այն է, որ յուրաքանչյուրիս մեջ բացակայում է այդ տարբերակներից մեկը:
Սիրե՛ք կյանքը, սիրե՛ք ձեր մերձավորին, այն անպատասխան երբեք չի մնա…

Արտակ Բարսեղյան /ՀՊՄՀ Գեղարվեստի ֆակուլտետի 2004-10թթ. ուսանող, 2005-2010թթ. ֆակուլտետի ուսխորհրդի նախագահ/

Реклама

~~~ՇՆՈՐՀԱՎՈՐ~~~

Հարգելի՛ ուսանողներ, դասախոսներ և մեր բլոգի ընթերցողներ, ՀՊՄՀ գեղարվեստական կրթության ֆակուլտետի ուսանողական խորհուրդը և բլոգի խմբագրակազմը սրտանց շնորհավորում է Ամանորի և Սուրբ ծննդյան կապակցությամբ:
Թող այս տարին հաջողություն բերի բոլորին, կատարվեն այն բոլոր նպատակները, որոնք չհասցրեցին իրականանալ անցած տարում…
Թող սերն իշխի ձեր սրտերում և բարությամբ լցված լինի ձեր հոգին…
Թող 2014-ը լինի ներշնչանքի և ստեղծագործական նվաճումների տարի:

1527959_484201055034942_1665314009_n

Մենք լավագույնն ենք

Դեկտեմբերի 24-ին Կուլտուրայի մասնաշենքի դահլիճում տեղի ունեցավ Խ. Աբովյանի անվան հայկական պետական մանկավարժական համալսարանի ուսանողական խորհրդի 2013 թվականի հաշվետու հանդիպումը, որի ընթացքում պարգևատրվեցին համալսարանի որոշ ֆակուլտետներ՝ իրենց կատարած գործունեության համար:

Գեղարվեստական կրթության ֆակուլտետը աչքի ընկավ 2013-ին ծավալած իր բուռն գործունեությամբ և ակտիվությամբ:

Մեր ֆակուլտետից պատվոգրի արժանացավ Լիլիթ Մաթևոսյանը՝ ուսանողական խորհրդի Ինտելեկտուալ ակումբում ծավալած ակտիվ գործունեության համար, Գագիկ Ավետրսյանը՝ որպես «ՀՊՄՀ լավագույն ինտելեկտուալ ուսանող», ինչպես նաև Գոհար Մարտիրոսյանը՝ որպես «Ֆակուլտետի լավագույն բանավիճող»: Պատվոգիր ստացավ գեղարվեստական կրթության ֆակուլտետի տղաների ֆուտբոլի հավաքականը, ինչպես  նաև աղջիկների հավաքականը, որր, գրավելով առաջին հորիզոնականը, ստացավ հաղթական գավաթ:

Այս ամենի հետ մեկտեղ՝ Խ. Աբովյանի անվան հայկական պետական մանկավարժական համալսարանի գեղարվեստական կրթության ֆակուլտետի ուսանողական խորհրդին շնորհվեց պատվոգիր որպես «Լավագույն ֆակուլտետային ուսանողական խորհուրդ» ճանաչվելու համար:

SAM_7536

Համալսարանի «Լավագույն ինտելեկտուալ ուսանողը» գեղարվեստցի է

Դեկտեմբերի  18–ին  տեղի  ունեցավ  ՀՊՄՀ ուսանողական խորհրդի Ինտելեկտուալ  ակումբի կազմակերպած  «Լավագույն  ինտելեկտուալ  ուսանող»  մրցույթի  եզրափակիչ  խաղը: Յուրաքանչյուր ֆակուլտետից խաղին մասնակցում էին երկու ուսանող:  Գեղարվեստական կրթության  ֆակուլտետը  ներկայացնում  էին Գագիկ  Ավետիսյանը  և Էլեն Ներսեսյանը: Նախնական  փուլում ուսանողները  բաժանվեցին հինգ խմբի, յուրաքանչյուր խմբում չորս  ուսանող: Առաջին փուլից  հետո  ընտրվեցին մեկական ուսնողներ՝ միավորների  առավելագույն ցուցանիշով: Վճռորոշ  խաղին մասնակցեց  նաև  մեր ֆակուլտետի  ուսանողը: Համառ   և  արդար  պայքարի  արդյունքում  ՀՊՄՀ  լավագույն  ինտելեկտուալ  ուսանող  ճանաչվեց  Գեղարվեստական կրթության ֆակուլտետի  կերպարվեստ  և  գծագրություն բաժնի  առաջին կուրսի  ուսանող  Գագիկ Ավետիսյանը: Նշենք, որ  արդեն  երկրորդ  տարին  անընդմեջ ՀՊՄՀ-ի ինտելեկտուալ խաղում հաղթող են ճանաչվում հենց  Գեղարվեստական կրթության ֆակուլտետի ուսանողները: Ի  սրտե  շնորհավորում  ենք, և  մաղթում նորանոր   հաղթանակներ:

 1468784_225435920961651_284908378_n

1479476_225436044294972_888791332_n

Այց Երևանի «Արարատ» կոնյակի, գինու և օղու գործարանի թանգարան

Դեկտեմբերի 18-ին Գեղարվեստական կրթության ֆակուլտետի առաջին կուրսեցիները ֆակուլտետի ուսանողական խորհրդի Բանավեճի ակումբի ներկայացուցիչներ Լիլիթ Ստեփանյանի, Տաթև Աղալարյանի, Օվսաննա Իսրայելյանի նախաձեռնությամբ այց կատարեցին  Երևանի «Արարատ» կոնյակի, գինու և օղու գործարանի թանգարան: Այցի նպատակն էր`ծանոթացնել ուսանողներին խմիչքների արտադրման տեխնիկային: Ողջ էքսկուրսիայի ընթացքում խմբին ուղեկցում էր էքսկուրսավարը, ով ուսանողներին ծանոթացրեց գործարանի պատմությանը: Ուսանողներին հատկապես հետաքրքրեց գինու մառաններում շրջայցը:

1491111_247757658718950_1949037705_n

1472393_247759698718746_2130785804_n

Նյութը տրամադրեց Լիլիթ Ստեփանյանը

Մեր ուսխորհրդի այցը դեպի Էջմիածին

Դեկտեմբերի 11-ին, հաշվի չառնելով ցուրտ եղանակը, գեղարվեստական կրթության ֆակոլտետի ուսանողական խորհուրդը կազմակերպեց այց դեպի Էջմիածին: Ուսանողները ցանկանում էին ծանոթանալ Գևորգյան ճեմարանում ընթացող դասալսումների իրականացման ընթացքին, այցելել Էջմիածնի թանգարան և իհարկե կատարել մկրտության արարողությունը՝ ինչպես որ որոշվել էր Մայր Աթոռ Սուրբ Էջմիածնի սպասավոր Ներսես սարկավագի հետ հանդիպման ժամանակ: Ներսես սարկավագի նախաձեռնությամբ՝ ուսանողները, խմբերի բաժանվելով, ներկա գտնվեցին ճեմարանում ընթացող դասընթացներին, ծանոթացան նրանց առօրյային: Մեծ ոգևորությամբ և հետաքրքրությամբ ծանոթացան նաև թանգարանի պատմությանը, այնտեղ պահպանվող մշակութային արժեքներին: Տեղի ունեցավ նաև մկրտության արարողությունը:

Այնուհետև մեր ուսանողները այցելեցին նաև Գայանե եկեղեցի, ապա՝ սուրբ Գայանեի գերեզման, որտեղ Հրայր և Ներսես սարկավագների գլխավորությամբ ծնկաչոք աղոթեցին: Հանդիպումը անցավ շատ հետաքրքիր և որոշվեց կազմակերպել հանդիպում-գիտաժողով  այս ուստարվա մյուս կիսամյակում:

1486725_186322171568604_673042098_n

996751_473031089485272_1989058455_n

1484193_473033072818407_1431339294_n

1456586_473033686151679_624436047_n

Արփինե Խաչատրյան

ՀԱՆԴԻՊՈՒՄ ՆԵՐՍԵՍ ՍԱՐԿԱՎԱԳԻ ՀԵՏ

Նոյեմբերի 27-ին Գեղարվեստական կրթության ֆակուլտետի ուսանողական խորհուրդը կազմակերպեց հանդիպում Մայր Աթոռ Սբ. Էջմիածնի սպասավոր Ներսես սարկավագի հետ: Հանդիպման նպատակն էր ուսանողներին ներկայացնել եկեղեցու դերը, էությունը, նշանակությունը մարդու կյանքում: Ներսես սարկավագը ուսանողների հետ զրուցեց քրիստոնեական վարդապետության, գաղափարախոսության մասին, պատասխանեց ուսանողներին հուզող հարցերին:

Զրույցը բավականին հետաքրքիր և ուսուցողական էր, ուստի այս հանդիպումից ոգեշնչված մեր ուսանողական խորհուրդը որոշեց կազմակերպել այց դեպի Էջմիածին:

1477032_473394096115638_1753590963_n

1422837_473394086115639_2080296941_n

Արփինե Խաչատրյան

Բանավեճ՝ մեր ֆակուլտետում

Դեկտեմբերի 4-ին ՀՊՄՀ գեղարվեստական կրթության ֆակուլտետի ուսանողական խորհրդի Բանավեճ իակումբի և Սոցիալական հանձնաժողովի համագործակցության արդյունքում տեղի ունեցավ բանավեճ` «Արդյոք նպատակահարմար է մտավոր խնդիրներ ունեցող երեխաների կրթությունը առողջ երեխաների հետ» թեմայով: «Կողմ» և «դեմ» թիմերը ժյուրիին ներկայացան համոզիչ փաստարկներով: Ժյուրիի կազմում ներկայացված էին գեղարվեստական կրթության ֆակուլտետի ուսխորհրդի նախագահ Նաիրի Բալաբեկյանը, ինչպես նաև Լուսինե Անդրեասյանը, ինտելեկտուալ և սոցիալական հանդզնաժողովների համակարգողներ` Լիլիթ Մաթևոսյանը, Սյուզի Ամիրյանը: Բավական լարված ու հետաքրքիր խաղի արդյունքում ժյուրիի ձայների մեծամասնությամբ հաղթող ճանաչվեց «Կողմ» թիմը:

1492818_469953863126328_20494605_n

1485030_469953856459662_1173020834_n

1472173_469953919792989_353344944_n

Նյութը տրամադրեց Սյուզի Ամիրյանը

Ինտելեկտուալ խաղ մեր ֆակուլտետում

Նոյեմբերի 28-ին ՀՊՄՀ գեղարվեստական կրթության ֆակուլտետի ուսխորհրդի ինտելեկտուալ հանձնաժողովի և կազմակերպչական ակումբի համատեղ աշխատանքով տեղի ունեցավ ներֆակուլտետային ինտելեկտուալ խաղ: Ժյուրիի կազմում էին ուսխորհրդի անդամներ Անի Առաքելյանը,Արփինե Խաչատրյանը և Լիլիթ Ստեփանյանը:

Խաղին մասնակցում էին ֆակուլտետի առաջին կուրսեցիները: Միմյանց դեմ մրցում էին 4 թիմեր՝ «Грань», «Կարպետ», «Ռենեսանս»  և «Դա Վինչի»:

Խաղը բաղկացած էր երկու փուլից: Առաջին փուլում հնչեց տրամաբանական բնույթի 10 հարց, իսկ երկրորդ փուլում` 15 հարց, որոնք, ի տարբերություն առաջին փուլի, իմացական էին: Իրենց գիտելիքներով և փայլուն խաղով  առաջին տեղը զբաղեցրեց «Грань» թիմը:

Շնորհավորում ենք հաղթող թիմին և մաղթում նորանոր հաջողություններ:

1473777_467726100015771_1839717133_n

1474904_467726236682424_964782820_n

Մեր մասնակցությունը ուսանողական գիտական կոնֆերանսին

Խ. Աբովյանի անվան հայկական պետական մանկավարժական համալսարանի գեղարվեստական կրթության ֆակուլտետի Երաժշտական կրթության բաժինը Երևանի Կոմիտասի անվան պետական կոնսերվատորիայից հրավեր էր ստացել մասնակցել Ուսանողական գիտաստեղծագործական ընկերության նոյեմբերի 25-28-ին կայանալիք Երաժշտագետ ուսանողների գիտական կոնֆերանսին, որին մասնակցելու էին նաև Հայաստանի Մանկավարժական և արվեստի բուհերի ու երաժշտական քոլեջների սովորողներ:

Կոնֆերանսում` ազգային դասական ռոմանսի հիմնադիր, կոմպոզիտոր, երաժշտա-հասարակական գործիչ, Կոմիտասի անվան Կոնսերվատորիայի հիմնադիր` Ռոմանոս Մելիքյանին նվիրված զեկուցմամբ հանդես եկավ ՀՊՄՀ-ի Երաժշտական կրթության բաժնի բակալավրիատի 2-րդ կուրսի ուսանողուհի` Վարդիթեր Կարապետյանը (գիտական ղեկավար՝ մանկավարժական գիտությունների թեկնածու, Երաժշտության տեսության, դասավանդման մեթոդիկայի և նվագարանների ամբիոնի դոցենտ` Գոհար Մելիքսեթյան): Ուսանողուհին իր զեկուցման մեջ ներկայացրեց նշանավոր կոմպոզիտորի ստեղծագործական, երաժշտա-հասարակական բազմակողմանի գործունեությունը, որը կարևորագույն էջ է 20-րդ դարասկզբի հայ մշակույթի պատմության մեջ:
Ուսանողուհու զեկուցումը` նվիրված Կոմիտասի անվան Կոնսերվատորիայի հիմնադրման 90-ամյակին, ունկնդրվեց մեծ ուշադրությամբ և արժանացավ ներկաների ջերմ հավանությանը:

unnamed

Назад — предыдущие записи Вперёд — следующие записи

ՎԻՃԱԿԱԳՐՈՒԹՅՈՒՆ

  • 136 959 դիտում

ՎԱՐԿԱՆԻՇ

հեղինակ և խմբագիր` Լազարևա Մարիա

%d такие блоггеры, как: